Ný stjórn var kjörin á aðalfundi kjördæmafélags Miðflokksins í Suðurkjördæmi í gær.
Formaður var kjörin Patience A. Karlsson, varaformaður Tómas Ellert Tómasson og gjaldkeri Guðrún Kr. Jóhannsdóttir. Aðrir stjórnarmenn eru Guðni Hjörleifsson og Friðrik Ólafsson. Varamenn eru Elís Anton Sigurðsson og Eggert Sigurbergsson.
Auk hefðbundinna aðalfundarstarfa óskaði Sigmundur Davíð formaður flokksins nýjum formanni og nýrri stjórn til hamingju með kjörið. Jafnframt þakkaði hann fráfarandi formanni Bjarna Gunnólfssyni og fráfarandi stjórn fyrir vel unnin störf.
Fór Sigmundur Davíð yfir helstu málin sem í gangi eru í dag í íslenskum stjórnmálum þar sem er af nógu að taka en mikil og góð umræða var á fundinum, að því er fram kemur í fréttatilkynningu.