Nemendur 10. bekkjar í Hvolsskóla á Hvolsvelli hafa nú lesið Brennu-Njáls sögu í tæpar sjö klukkustundir.
Njálulestur er árlegur viðburður í Hvolsskóla á Degi íslenskrar tungu og lýkur honum um kl. 19 í kvöld.
Lesturinn er brotinn upp með ýmsum atriðum en heiðursgestur að þessu sinni var Guðni Ágústsson sem heimsótti skólann í morgun.
Kl. 16 í dag stígur Hringur, kór eldri borgara í Rangárþingi, á stokk og tekur lagið. Að því loknu heldur lesturinn áfram og verður lesið í einni beit þar til sögunni er lokið.