Hvorki meira en minna en níu vörur frá ILVA eru tilnefndar til hönnunarverðlauna Bo Bedre en þetta virta danska lífstíls- og hönnunartímarit stendur árlega fyrir verðlaununum.
„Íslenska ILVA teymið er mjög stolt af tilnefningunni og það eru einmitt hönnunardagar í verslununum sem standa yfir til 18. apríl,“ segir Anna Soffía Árnadóttir, markaðsstjóri ILVA í samtali við sunnlenska.is.
„Við hvetjum alla til að kíkja í heimsókn og skoða vörurnar sem eru tilnefndar, kynna sér flotta danska hönnun og fræg vörumerki sem verslanir ILVA bjóða upp á,“ bætir Anna Soffía við en góð tilboð eru á sérvöldum vörum á meðan á hönnunardögunum stendur.