Árleg úthlutun jólastyrkja Nettó fór fram í síðustu viku, þar sem styrkir voru veittir til góðgerðarfélaga um allt land.
Meðal þeirra sem hljóta styrki eru Sjóðurinn góði á Suðurlandi. Nettó hefur veitt jólastyrki um árabil og hefur fyrir löngu skapast sú hefð að styðja við efnaminni fjölskyldur á Íslandi með þessu hætti í aðdraganda jóla.
„Við finnum sterkt fyrir því að svona styrkir skipta gífurlegu máli. Nettó hefur lagt ríka áherslu á að leggja sitt á vogarskálarnar til að styðja við þau sem á þurfa að halda í kringum hátíðarnar um allt land og í ár var engin breyting gerð þar á,” segir Ingibjörg Ásta Halldórsdóttir, markaðsstjóri Nettó.
„Verslunarstjórar víðsvegar um landið munu sjá um að útdeila kortum til hjálparstofnanna í hverju nærsamfélagi fyrir sig. Það var ákaflega góð tilfinning að koma kortunum í hendur þessara stjórnenda sem sinna jafn óeigingjörnu starfi og raun ber vitni og vita að kortin munu sannarlega koma sér vel hjá fjölskyldum um allt land,“ bætti Ingibjörg við.