Talningu í þjóðaratkvæðagreiðslunni um aðildarviðræður við ESB í Suðurkjördæmi lauk í Fjölbrautaskóla Suðurlands á Selfossi á sjötta tímanum í morgun.
Nei sögðu 20.597 eða 60,5% og já sögðu 13.473 eða 39,5%. Auðir seðlar voru 129 og ógildir 108.
Á kjörskrá voru 42.152 og var kjörsókn 34.305 eða 81,4%.
Á landsvísu sögðu 52,5% nei og 46,8% já. Auðir og ógildir voru 0,7%.
Nei-ið hafði yfirgnæfandi hljómgrunn í landsbyggðarkjördæmunum þar sem 60 til 63% kjósenda sögðu nei. Annað var uppi á teningnum í Reykjavíkurkjördæmunum þar sem 55-58% kjósenda sögðu já. Mesta spennan var í Kraganum, fjölmennasta kjördæminu, þar sem 53% sögðu nei og 47% já.