Neðri stígur við Gullfoss opnaður á ný

Neðri stígur við Gullfoss verður opnaður í dag, 14. apríl kl. 9. Mikill klaki hefur verið á stígnum eftir snjóþungan vetur en klakinn er nú að mestu horfinn.

Starfsfólk Umhverfisstofnunar hefur unnið að því síðustu daga að fjarlægja grjót sem fallið hefur á stíginn. Þá hafa girðingar verið lagaðar og svæðið hreinsað eftir veturinn.