Um klukkan 12:30 barst Neyðarlínunni hjálparbeiðni vegna manns sem hafði nauðlent svifvæng í norðanverðu Búrfelli í Skeiða- og Gnúpverjahreppi.
Lögregla, sjúkraflutningar, björgunarsveitir og þyrla Landhelgisgæslunnar voru boðuð og eru á leiðinni á vettvang.
UPPFÆRT KL. 14:12: Búið er að hífa manninn um borð í þyrlu Landhelgisgæslunnar, sem flytur hann á Landspítalann í Fossvogi. Maðurinn, sem er íslenskur karlmaður á fimmtugsaldri, er ekki talinn lífshættulega slasaður.