Maðurinn sem lést í vinnuslysi í malarnámu í Lambafelli í Ölfusi í fyrrinótt hét Jósef G. Kristjánsson.
Jósef var 52 ára gamall, fæddur þann 28. nóvember 1967. Hann hélt heimili sitt ásamt eftirlifandi unnustu sinni að Bifröst í Borgarfirði.
Jósef lætur eftir sig níu börn á aldrinum frá 8 ára til 31 árs, barnabörn og forelda búsetta í Skagafirði.
Slysið varð með þeim hætti að jarðýta sem notuð er til að losa efni ofarlega í fjallinu fór fram af fjallsbrúninni og valt niður í námuna.