Afl smíði og múr ehf og Bergrún ehf í Vík áttu lægsta tilboðið í smíði nýrrar brúar á Brunná í Skaftárhreppi en tilboð voru opnuð í vikunni.
Sameiginlegt tilboð Afl smíði og múr og Bergrúnar hljóðaði upp á rúmar 131 milljón króna og var 25% yfir verktakakostnaði sem Vegagerðin áætlaði tæplega 104,8 milljónir króna.
Eitt annað tilboð barst í verkið, frá Ístaki hf og var það tæpar 203,4 milljónir króna.
Um er að ræða smíði á 24 m langri eftirspenntri, steyptri bitabrú í einu hafi með steyptum endastöplum. Verkinu á að vera að fullu lokið þann 30. nóvember næstkomandi.