Um miðjan dag í dag höfðu björgunarsveitir náð til skíðagöngufólksins sem hafði óskað aðstoðar á Hofsjökli.
Fólkið hefur verið flutt í skjól og unnið er að því að ná búnaði þeirra niður af jöklinum.
Björgunarmenn á tveimur vélsleðum komust að fólkinu rétt fyrir klukkan 13 og var þá einn göngumaður fluttur niður af jöklinum. Hinir tveir biðu áfram á jöklinum en sleðarnir héldu svo til baka og sóttu þá tvo sem eftir voru og í kjölfarið var búnaður þeirra sóttur.
Skyggni á jöklinum var ekki gott, eins og sjá má á myndunum hér að neðan, sem eru frá sunnlensku björgunarsveitarfólki.
