Mun meiri umferð var um Landeyjahafnarveg yfir verslunarmannahelgina í ár miðað vð árið í fyrra, eða sem nemur um 12%.
Alls fóru 9.786 bílar yfir umferðarteljara sem staðsettur er á veginum við vegamót Hringvegar, frá fimmtudegi til þriðjudags. Mesta umferðin var á mánudag.
Séu reynslutölur Vegagerðarinnar notaðar til að umbreyta bílafjölda í mannfjölda samsvarar hann til þess að um 25.500 manns hafi farið um talningastaðinn í báðar áttir yfir tímabilið.
Umferðin er meiri alla dagana í ár miðað við sama tíma í fyrra. Mest aukning þó á föstudegi og mánudegi.