Samtök ferðaþjónustunnar, Markaðsstofa Suðurlands og Markaðsstofa Reykjaness boða til mikilvægs fundar um stöðu og framtíð ferðaþjónustunnar í Suðurkjördæmi á Hótel Selfossi í dag kl. 17.
Fundurinn verður í beinni útsendingu hér á sunnlenska.is og má nálgast útsendinguna neðst í þessari frétt.
Erindi flytja Jóhannes Þór Skúlason, framkvæmdastjóri Samtaka ferðaþjónustunnar, Frímann Snær Guðmundsson, meðeigandi Deloitte, Kristján Pétur Kristjánsson, eigandi Konvin Hotel og Haraldur Þór Jónsson, oddviti Skeiða- og Gnúpverjahrepps.
Seinni hluti fundarins verður vettvangur beinna samtala við þingmenn Suðurkjördæmis um þau mál sem nú eru efst á baugi hjá ferðaþjónustunni. Þátttakendur í pallborðsumræðum verða Ása Berglind Hjálmarsdóttir, þingmaður Samfylkingar, Guðrún Hafsteinsdóttir, þingmaður Sjálfstæðisflokks, Halla Hrund Logadóttir, þingmaður Framsóknarflokksins, Karl Gauti Hjaltason, þingmaður Miðflokksins, Sandra Sigurðardóttir, þingmaður Viðreisnar og Sigurður Helgi Pálmason, þingmaður Flokks fólksins. Umræðustjóri er Jóhannes Þór Skúlason, framkvæmdastjóri SAF.