Lið Menntaskólans að Laugarvatni er úr leik í Gettu betur, spurningakeppni framhaldsskólanna, eftir tap gegn Verslunarskóla Íslands í 8-liða úrslitum keppninnar í kvöld.
Það varð snemma ljóst að við ramman reip yrði að draga hjá ML-ingum í kvöld, gegn firnasterku liði Versló. Staðan eftir hraðaspurningarnar var 5-17 og Verslingar hirtu megnið af stigunum eftir það og tryggðu sér að lokum 11-38 sigur.
Þetta er í fyrsta skipti í 29 ár sem Menntaskólinn að Laugarvatni kemst í 8-liða úrslit keppninnar en lið þeirra skipuðu í ár þau Stefán Gunngeir Stefánsson, Þórey Kristín Rúnarsdóttir og Allan Hólm Rúnarsson.