Ákveðið hefur verið að ljúka haustönninni í Menntaskólanum að Laugarvatni í fjarnámi.
Einhverjir nemendur verða boðaðir í hús á námsmatstímanum en allt kapp verður lagt á að skipuleggja vorönnina vel og vonir standa til þess að þá verði hægt að bjóða upp á aukið staðnám.
Núverandi auglýsing um sóttvarnir gildir til 17. nóvember og þá verðu mögulega slakað á reglum, en þrátt fyrir það þykir það helst þjóna hagsmunum nemenda að boða þá ekki í hús þegar svo stutt er eftir af önninni.
Í tilkynningu á heimasíðu ML segir að þessi ákvörðun sé einnig tekin til þess að minnka óvissu nemenda svo að þeir eigi betra með að einbeita sér að náminu á lokasprettinum fyrir jól.