Lið Menntaskólans að Laugarvatni er komið í 8-liða úrslit Gettu betur í fyrsta skipti í 29 ár eftir glæsilegan sigur á Menntaskólanum við Sund í 16-liða úrslitunum á Rás 2 í kvöld.
Laugvetningar mættu ferskir til leiks og unnu að lokum öruggan sigur, 18-13.
Lið ML skipa þau Stefán Gunngeir Stefánsson, Þórey Kristín Rúnarsdóttir og Allan Hólm Rúnarsson.
ML komst síðast í 8-liða úrslitin árið 1997 en gullaldarár skólans í keppninni voru á árunum 1994-1997. Lið ML árið 1997 skipuðu kempurnar Guðjón Ármannsson, Jón Snæbjörnsson og Hlynur Heimisson.
Að lokinni keppni kvöldsins var dregið í 8-liða úrslitin, sem fara fram í Ríkissjónvarpinu. ML mætir Verslunarskólanum þann 26. febrúar og Fjölbrautaskóli Suðurlands mætir Fjölbrautaskóla Vesturlands þann 19. mars.