Menntaskólinn að Laugarvatni fær nú að kalla sig fyrirmyndarstofnun eftir að hafa lent í 4. sæti meðalstórra stofnana í vali á stofnun ársins.
Þetta val byggir á niðurstöðum úr könnun meðal starfsmanna stofnana og fyrirtækja en niðurstöðurnar voru kynntar í síðustu viku.
Í þessari árlegu könnun meðal 50.000 starfsmanna stofnana og fyrirtækja á landinu er spurt um trúverðugleika stjórnenda, starfsanda, launakjör, vinnuskilyrði, sveigjanleika í vinnu, sjálfstæði í starfi, ímynd stofnunar, ánægju og stolt.
Ef niðurstaða ML í einstökum þáttum er skoðuð miðað við allar stofnanir, óháð stærð, kemur í ljós, að þegar kemur að trúverðugleika stjórnenda lendir skólinn í 4. sæti, í þriðja sæti lendir skólinn í því sem lýtur að starfsanda og í 8. sæti í því sem lýtur að ímynd stofnunar.