Vörubifreiðastjórafélagið Mjölnir á Selfossi átti lægsta boðið í byggingu tveggja steyptra brúa á Vestfjarðavegi um Gufudalssveit. Tilboð Mjölnis hljóðaði upp á rúman 1,6 milljarð króna en verkinu á að vera lokið í september á næsta ári.
Mjölnir bauð rúmlega 1.626 milljónir króna í verkið og var það 0,1% yfir áætluðum verktakakostaði Vegagerðarinnar, sem er tæpar 1.625 milljónir króna. Þrjú önnur tilboð bárust í verkið, meðal annars frá norsku verktakafyrirtæki en verkið var boðið út á evrópska efnahagssvæðinu.
Um er að ræða næstsíðasta áfanga vegagerðar á Vestfjörðum sem kennd hefur verið við Teigsskóg. Annars vegar er um a ræða 58 m langa brú á Djúpafjörð við Grónes og hins vegar um 130 m langa brú á Gufufjörð. Innifalið í verkinu er rif á núverandi 119 m bráðabirgðabrú á Gufufirði ásamt efnisflutningum úr núverandi vinnuplönum og gerð grjót- og rofvarnar.