Átta ára drengur slasaðist á rist þegar hann rann í hálku undir skólabíl vð Sunnulækjarskóla á Selfossi á mánudaginn í síðustu viku.
Meiðsl hans eru ekki talin alvarleg.
Sama dag missti maður, í uppsveitum Árnessýslu, framan af fingri þegar hann festi hann í trissuhjóli á sogdælu fyrir mjaltavél.
Daginn eftir slasaðist kona þegar hún féll af hestbaki á Bæjarhverfisvegi í Ölfusi. Hún var flutt á sjúkrahús til aðhlynningar en er ekki talin alvarlega meidd.
Þetta kemur fram í dagbók lögreglunnar á Suðurlandi.