Unnið hefur verið að því að moka upp úr ám undir Eyjafjallajökli frá því í nótt en gríðarlega mikið vatn er í ám á svæðinu eftir leysingar og hláku í gær og í nótt.
Menn hafa ekki haft undan að moka úr Svaðbælisá en hún hefur haldist í farvegi sínum. Bakkakotsá var líka full uppundir brú og enn er mikið vatn í henni þótt það fari hægt minnkandi.
Lögreglan á Hvolsvelli biður vegfarendur að fara varlega á þessum slóðum.