Miklar umferðartafir eru á Selfossi og í nágrenni. Nánast samfelld bílaröð hefur verið frá Ölfusárbrú vestur að Ingólfshvoli í Ölfusi.
Stórt knattspyrnumót er haldið á Selfossi í dag auk þess sem margir virðast ætla að taka forskot á sæluna og taka langa helgi í sumarbústaðnum.
Eftir því sem sunnlenska.is kemst næst hefur umferðin gengið áfallalaust þrátt fyrir mikinn þunga. Síðustu tíu mínútur hafa 222 bílar ekið yfir teljarann undir Ingólfsfjalli.