Mikil ánægja er meðal nemenda, foreldra og starfsmanna í Barnaskólanum á Eyrarbakka og Stokkseyri með nýtt mötuneyti skólans á Stokkseyri.
Guðmundur Erlendsson, matreiðslumeistari, stjórnar nýja mötuneytinu en þar er allur matur unninn á staðnum og að mestu frá grunni.
Lögð er áhersla á ferskan mat og grænmeti leikur stóran þátt í hverri máltíð. Auk þess eiga allir nemendur og starfsmenn kost á hafragraut á morgnana, að kostnaðarlausu.
Skemmst er frá að segja að mikil ánægja er með nýtt fyrirkomulag, bæði meðal nemenda, foreldra og starfsmanna.
Við mötuneytið starfa auk Guðmundar Erlendssonar; Sarah Seeliger í fullu starfi og í hlutastörfum eru þær Sigríður Jónsdóttir og Auður Hlín Ólafsdóttir.
Frá þessu er sagt á www.stokkseyri.is