Mikið lagt inn af mjólk

Mjólkurinnlegg á Selfossi hefur verið mikið undanfarnar vikur eða um 820 þúsund lítrar á viku.

Þetta er 50-60 þúsund lítrum meira á viku en í fyrra og er vikuinnleggið nú svipað og árið 2009 en þá var mjólk úr A-Skaftafellssýslu innvigtuð á Selfossi.
Þrátt fyrir þetta er heildarinnlegg ársins 4,05% minna en á sama tíma í fyrra. Það stendur nú í um 38 milljónum lítra. Allar líkur eru á að heildarinnlegg ársins verði svipað og í fyrra eða mjög nærri 47 milljónum lítra.

Þetta kemur fram á vef Búnaðarsambands Suðurlands