Rétt fyrir miðnætti í gærkvöldi, eða klukkan 23:49:48 varð skjálfti í Mýrdalsjökli af stærðinni 3,7.
Samkvæmt upplýsingum frá Veðurstofunni fannst skjálftinn í byggð og honum fylgdu nokkrir eftirskjálftar, sá stærsti 2,8, 40 sekúndum á eftir stóra skjálftanum. Skjálftinn varð sunnarlega í Kötluöskjunni, rúmum 23 kílómetrum norðan við Vík í Mýrdal.
Nokkur virkni hefur verið í Mýrdalsjökli það sem af er þessu ári en síðast varð skjálfti af svipaðri stærðargráðu þann 23. júlí. Frá áramótum hafa átján skjálftar mælst yfir 3 í Mýrdalsjökli, flestir í hrinunni þann 30. júní síðastliðinn.