Á félagsfundi Árnesingadeildar Miðflokksins í gærkvöldi var samþykkt að bjóða fram til sveitarstjórnar í Sveitarfélaginu Árborg í vor ásamt Sjálfstæðum íbúum sveitarfélagsins undir merkjum M-listans og Sjálfstæðra.
„Það hefur engum dulist þau umskipti sem hafa orðið á Sveitarfélaginu Árborg á undanförnum fjórum árum, hvort sem litið er til þjónustu eða uppbyggingar innviða í tíð núverandi meirihluta bæjarstjórnar sem M-listinn er aðili að. Á þeirri vinnu viljum við áfram byggja,“ segir í tilkynningu frá framboðinu.
Þeir sem hafa áhuga á því að halda áfram á þeirri vegferð að gera Árborg að enn betri stað til að búa á, og hafa áhuga á að hafa áhrif á stefnu- og framboðsmál M-listans og Sjálfstæðra í Árborg fyrir sveitarstjórnarkosningarnar í vor, eru hvattir til að hafa samband við Tómas Ellert Tómasson bæjarfulltrúa M-listans á netfangið: tomas.ellert@arborg.is eða í síma 853 8 358.