Miðaði skammbyssu á vegfarendur

Klukkan 10:21 í morgun barst lögreglunni á Suðurlandi tilkynning um konu í bíl sem ók upp að ungum karlmanni á Langholti á Selfossi, stöðvaði bíl sinn og miðaði skammbyssu að manninum og hvarf síðan á braut.

Bíll konunnar fannst mannlaus skömmu síðar fyrir utan íbúðablokk við Ástjörn á Selfossi. Lögreglumenn fylgdust með húsinu meðan beðið var eftir liðsafla sérsveitar ríkislögreglustjóra. Skömmu áður hafði konan beint byssu að öðrum manni á Árvegi.

Gerðar voru áætlanir um að ná til konunnar og gripið til allra öryggis- og viðbragsðáætlana eins og gert er í tilvikum sem þessum.

Klukkan 12:56 gekk konan lögreglu á hönd. Hún var handtekin og aðgerðum lögreglu á staðnum lauk þar með.

Málið er nú í höndum rannsóknardeildar lögreglunnar á Suðurlandi sem rannsakar málið.

UPPFÆRT KL. 13:28