Veiðimenn sem voru svo heppnir að opna Ytri Rangá á sunnudag lentu svo sannarlega í veislu en alls komu átján laxar á land og meirihlutinn var vænn tveggja ára lax.
Stærsti lax opnunardagsins var 89 sentimetrar. Fiskur var á öllum svæðum í ánni en veitt var á fjórtán stangir á sjö svæðum.
Allir laxarnir fengust á flugu nema einn sem fékkst á spún.
Er þetta besti opnunardagur í Ytri Rangá sem menn muna eftir og vonandi það sem koma skal í ánni í sumar.