Meirihluti Okkar Hveragerðis og Framsóknar í Hveragerði er fallinn. D-listinn er sigurvegari kosninganna í Hveragerðisbæ með 43,9% atkvæða.
D-listinn bætir við sig manni og fær þrjá bæjarfulltrúa, O-listi Okkar Hveragerði hlaut 28,2%, missir einn mann og fær tvo bæjarfulltrúa, B-listi Framsóknar fékk 14,9%, missir sömuleiðis mann og fær einn fulltrúa og Samfylkingin fékk 12,9% og fær einn fulltrúa.
Margir möguleikar eru í meirihlutamyndun í Hveragerði en bæjarstjórnin verður þannig skipuð:
(D) Ingimar Guðmundsson
(O) Lárus Jónsson
(D) María Rún Þorsteinsdóttir
(B) Marta Rut Ólafsdóttir
(D) Sigmar Karlsson
(O) Dagný Sif Sigurbjörnsdóttir
(S) Birgitta Ragnarsdóttir