Meirihluti íbúa Sólvalla smitaðir

Sólvellir á Eyrarbakka. sunnlenska.is/Björn Ingi Bjarnason

Þrettán íbúar öldrunarheimilisins Sólvalla á Eyrarbakka eru smitaðir af COVID-19. Tveir greindust smitaðir á föstudagskvöld og var annar þeirra nýkominn af Landakoti.

Í kjölfarið voru gerðar sýnatökur og reyndust sex íbúar neikvæðir. Íbúar sem eru smitaðir verða fluttir til Reykjavíkur. Allir starfsmenn Sólvalla eru í sóttkví.

Ríkisútvarpið greinir frá þessu. Nítján manns búa á Sólvöllum og segir Jóhanna Harðardóttir, hjúkrunarfræðingur á Sólvöllum, í samtali við RÚV að þeir sem eru smitaðir séu ekki alvarlega veikir. Kalla hefur þurft út fólk úr bakvarðasveit heilbrigðisþjónustunnar til að sinna íbúum á Sólvöllum.

Frétt RÚV