Meirihluti Hvergerðinga er hlynntur sameiningu sveitarfélaga en skoðanakönnun vegna sameiningarmála fór fram samhliða sveitarstjórnarkosningum í Hveragerði um helgina.
Niðurstaða skoðanakönnunarinnar var sú að 707 eða 63,3% vildu að Hveragerði myndi sameinast öðru sveitarfélagi en 380 eða 34% sögðu nei. Þrjátíu seðlar voru auðir. Þátt tóku 1.117 einstaklingar en á kjörskrá voru 1.787. Kosningaþátttaka var 62,5 %
Í skoðanakönnuninni gátu þátttakendur valið á milli fimm sameiningarkosta og eru niðurstöður eftirfarandi:
69,74% þeirra sem tóku þátt völdu sameiningu Hveragerðis og Ölfuss sem vænlegasta kost.
10,94 % völdu sameiningu vesturhluta Árnessýslu (Hveragerði, Flói, Árborg, Ölfus)
9,8% völdu Árnessýslu alla
3,69% völdu Suðurland í heild sinni
2.98% völdu Árnessýslu utan Árborgar
Fjórtán kusu án þess að tilgreina valkost og sex einstaklingar völdu fleiri en einn valkost.
Afgerandi niðurstaða liggur því fyrir í skoðanakönnuninni og mun bæjarstjórn taka skoðanakönnunina til afgreiðslu á fyrsta fundi sínum.
UPPFÆRT KL. 15:32