Laugardaginn 16. nóvember næstkomandi munu íbúarnir í Smyrlaheiði 1-44 í Hveragerði efna til markaðar í Turninum, sem staðsettur er í miðju hverfinu. Þar verður til sölu handverk, listmunir og ýmislegt fleira áhugavert.
Markaðurinn verður opinn frá kl. 12.00 – 17.00. Allir eru hjartanlega velkomnir og aðgengi er gott fyrir alla. Ekki er tekið við greiðslukortum.
Í tilkynningu frá íbúum segir að í Smyrlaheiðinni búi einstaklega samhentur hópur fólks sem kann að njóta lífsins og hafa fallegt í kringum sig. Á Blómstrandi dögum í sumar vann Smyrlaheiðin í keppninni um best skreytta hverfið. Vinningurinn var ekki af verri endanum, grillkjöt frá SS. Að markaðnum loknum ætla íbúarnir að borða saman kvöldverð og gleðjast.