Margrét Ýrr Sigurgeirsdóttir hefur verið ráðin hjúkrunarstjóri heilsugæslunnar í Rangárþingi frá og með 1. apríl næstkomandi.
Margrét Ýrr útrskifaðist sem hjúkrunarfræðingur árið 2002 og starfaði nú síðast sem aðstoðardeildarstjóri á blóð- og krabbameinsdeild Landspítalans. Hún var hjúkrunarforstjóri á hjúkrunarheimilinu Lundi á Hellu í 15 ár, en samhliða því vann hún í tímavinnu á bráðamóttöku Heilbrigðisstofnunar Suðurlands og á bráðamóttöku LSH. Margrét Ýrr hefur verið ötul í að endurmennta sig og hefur lagt nám á þjónandi forystu, jákvæða stjórnun, joga og margt fleira.
Margrét tekur við starfinu af Rán Jósepsdóttur en í frétt á vef HSU er Rán þakkað fyrir sín störf í Rangarþingi síðastliðin ár.