Verkfæraverslunin Würth opnaði á dögunum að Eyravegi 38 á Selfossi en þetta er fimmta Würth verslunin á Íslandi.
„Við höfðum verið að leita að rétta húsnæðinu í nokkur ár þegar við fundum þetta húsnæði hér við Eyraveginn. Við opnuðum svo núna í byrjun september og fengum strax góðar viðtökur. Það hafa greinilega margir verið að bíða eftir Würth verslun á Selfossi,“ segir Marinó Magnús Guðmundsson, verslunarstjóri Würth á Selfossi, í samtali við sunnlenska.is.
„Við erum með breiða vörulínu af festingum, efnavöru, vinnufatnaði og fleira. Við höfum þjónustað Suðurland með sölufulltrúum okkar, en núna er loksins hægt að kíkja í verslun Würth. Við bjóðum Sunnlendinga velkomna í heimsókn og það er alltaf kaffi á könnunni og hægt að skoða vöruúrvalið hérna hjá okkur á Eyravegi 38,“ segir Marinó að lokum.