Lögreglan á Hvolsvelli hefur fengið inn á borð til sín allmörg mál á undanförnum dögum varðandi utanvegaakstur í umdæminu.
Nú síðast var tilkynnt um utanvegaakstur á Krakatindaleið og einnig við Lakagíga. Að sögn lögreglunnar er utanvegaakstur á Skeiðarársandi einnig orðinn talsvert vandamál og ljótar skemmdir þar í auknu mæli.
Ekki er enn vitað hverjir hafa verið að verki á sandinum og biður lögregla því vegfarendur að hafa vakandi auga, ef einhver sést aka þar utan vega. Allur akstur utan vega er bannaður.