Mannvit átti lægsta tilboðið í byggingarstjórn og framkvæmdaeftirlit við byggingu Stekkjaskóla, nýs grunnskóla sem mun rísa í Björkurstykki á Selfossi á næsta ári.
Tilboð Mannvits hljóðaði upp á 36,9 milljónir króna. VGS átti næst lægsta tilboðið, 37,8 milljónir króna, Varða verkþjónusta bauð 43,4 milljónir, VSÓ ráðgjöf 46,4 milljónir og Verkís 47,3 milljónir króna.
Kostnaðaráætlun verksins hljóðar upp á 45,8 milljónir króna.