Málþing um landbúnað og matvælaframleiðslu verður haldið á morgun fimmtudag í aðalbyggingu Landbúnaðarháskóla Íslands á Hvanneyri, klukkan 10-15 og að loknu málþingi verður matarmarkaður frá 15-18.
Að málþinginu standa Landbúnaðarháskóli Íslands, Bændasamtök Íslands, Matís, Ráðgjafarmiðstöð landbúnaðarins, Samtök ungra bænda, Samtök smáframleiðenda matvæla/Beint frá býli og Samtök fyrirtækja í landbúnaði.
Landslagið í landbúnaði og matvælaframleiðslu
Haldin verða fjölbreytt erindi og að þeim loknum verða pallborðsumræður þar sem erindin verða rædd og spurt verður hvar þörf er á að ýta við málum til að landbúnaður geti verið arðsöm atvinnugrein sem sóst er eftir að starfa í. Nánar hér.
Matarmarkaður
Að loknu málþingi verður slegið upp matarmarkaði beint frá býli og verða sautján framleiðendur að selja vörur sínar og gefa smakk milli kl 15 og 18 í matsal LBHÍ á Hvanneyri. Nánar hér og hér.