Suðurlandsvegur verður lokaður til austurs austan við Selfoss í dag vegna malbikunarframkvæmda. Áætlað er að framkvæmdirnar standi frá klukkan 7 til 22.
Suðurlandsvegi verður lokað til austurs við Gaulverjabæjarveg. Önnur akreinin verður malbikuð í einu og umferð á leið til vesturs ekur meðfram vinnusvæðinu.
Hjáleið til austurs verður um Gaulverjabæjarveg, Önundarholtsveg og Villingaholtsveg.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.
