Malbikað á Heiðinni – lokað til vesturs

Malbikað á Hellisheiði. Ljósmynd/Hlaðbær Colas

Fimmtudaginn 18. júlí og föstudaginn 19. júlí er stefnt að því að malbika á Hellisheiði, frá Kambabrún og niður Hveradalabrekku, ef veður leyfir.

Hellisheiði verður þá lokað í vestur, á milli Hveragerðis og afleggjara að Helllisheiðarvirkjun og verður umferð beint um Þrengslaveg. Opið verður fyrir umferð í austur.

Viðeigandi merkingar og og vísanir á hjáleiðir verða settar upp en vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

Áætlað er að framkvæmdirnar standi frá kl. 06:00 til kl. 22:00 báða dagana.