Magnús Ingberg býður sig fram til forseta

Magnús Ingberg Jónsson. Mynd úr safni.

Magnús Ingberg Jónsson, verktaki á Selfossi, hefur ákveðið að gefa kost á sér til embættis forseta Íslands og safnar nú meðmælendum vegna framboðsins.

Magnús, sem er frá Svínavatni í Grímsnesi, er 50 ára gamall, giftur Silju Dröfn Sæmundsdóttur og saman eiga þau fimm börn.

Magnús gaf einnig kost á sér fyrir forsetakosningarnar árið 2016 en náði þá ekki tilskyldum fjölda meðmælenda.

Frambjóðendur þurfa að hafa skilað meðmælendaskrá fyrir miðnætti þann 19. maí næstkomandi.