Sólin sló gullnum geislum sínum á Selfyssinga á tólfta tímanum í gærkvöldi. Margir tóku upp myndavélarnar til þess að mynda glæsilegan kvöldroðann.
Líklega fóru þó fáir jafn hátt og Halldór Árnason hjá IceDrones á Selfossi en hann hóf myndavéladróna á loft í 300 m hæð yfir bænum og útkoman var ekki af verri endanum.
Selfossbær skartaði sínu fegursta í kvöldsólinni og ekki slæmt að hefja Kótelettuhelgina á svona fallegu kvöldi.
Halldór tók myndbandið hér að neðan á drónann en undir hljómar lagið Selfoss með hljómsveitinni GusGus.
Góða helgi.