Maður sem féll í Ölfusá við Ölfusárbrú á fimmta tímanum í dag er fundinn. Hann var fluttur með þyrlu Landhelgisgæslunnar á slysadeild í Reykjavík.
Mikill viðbúnaður var við ánna vegna þessa en þyrla Landhelgisgæslunnar leitaði á ánni ásamt bátaflokki Björgunarfélags Árborgar. Þyrlan var mjög fljót á vettvang en hún var í æfingaflugi skammt frá þegar útkallið barst.
Áhöfn þyrlunnar fann manninn neðan við flúðirnar vestan við Selfosskirkju og var hann hífður um borð í þyrluna og flogið til Reykjavíkur.
Í tilkynningu frá lögreglunni kemur fram að ekki sé vitað um ástand mannsins.