D-listi Sjálfstæðisflokksins vann yfirburðasigur í Sveitarfélaginu Árborg og náði hreinum meirihluta, sex fulltrúum í ellefu manna bæjarstjórn.
D-listinn fékk 3.332 atkvæði, 52,8% og bætti við sig 6,4% frá kosningunum 2022.
B-listi Framsóknar fékk 1.309 atkvæði, 20,8% og tvo menn kjörna og S-listi Samfylkingarinnar og óháðra fékk 1.184 atkvæði 18,8% og tvo menn kjörna. C-listi Viðreisnar kemur nýr inn í Árborg með 481 atkvæði, 7,6% og einn mann kjörinn.
Auðir seðlar voru 200 og ógildir 23, alls 223 auðir og ógildir eða 4% greiddra atkvæða.
Á kjörskrá voru 9.562 kjósendur og alls greiddu atkvæði 6.529, kjörsókn var því 68,3% sem er talsvert betra en í síðustu sveitarstjórnarkosningum. Alls greiddu 5.573 kjósendur atkvæði á kjörstað og 960 utan kjörfundar.
Bæjarstjórn Árborgar verður þannig skipuð:
(D) Bragi Bjarnason
(D) Sveinn Ægir Birgisson
(B) Matthías Bjarnason
(S) Sigurjón Vídalín Guðmundsson
(D) Linda Björk Hilmarsdóttir
(D) Brynhildur Jónsdóttir
(D) Þórhildur Ingvadóttir
(B) Ellý Tómasdóttir
(S) Margrét Björk Ólafsdóttir
(D) Kjartan Björnsson
(C) Heiðrún Kristmundsdóttir