Lokað inn í Þórsmörk

Almannavarnir hafa ákveðið að loka fyrir almenna umferð inn í Þórsmörk vegna þess að vatn hefur safnast fyrir í gígnum í Eyjafjallajökli.

Almannavarnir héldu fund um málið síðdegis og er talin hætta á skyndilegum flóðum úr gígnum. Þyrla Landhelgisgæslunnar flaug með vísindamenn yfir gosstöðvarnar í kvöld til að kanna aðstæður. Hún er lenti rétt fyrir klukkan tíu í kvöld.

Magnús Tumi Guðmundsson, jarðeðlisfræðingur var með í för og lónið sé um 300 metrar í þvermál. Hann segir að vatn hafi safnast fyrir í gígnum. Ekki sé ljóst hversu hratt það safnist en það mun að öllum líkindum leiða til hlaups niður Gígjökul. Ekki séu hinsvegar miklar líkur á að það gerist allra næstu daga. Það sé hins vegar full ástæða til takmarka umferð inn í Þórsmörk eins og yfirvöld hafa ákveðið.

Upplýsingaskilti er við Gígjökul þar sem kemur fram að bannað sé að vera á ferðinni við jökulinn vegna hættu á flóðum eða gasi. Fólk hefur ekki virt þetta bann og hefur verið mikil umferð við jökulhólana, að sögn lögreglunnar á Hvolsvelli.

Þetta kom fram í tíufréttum RÚV.