Lögreglan rannsakar mannslát á Litla-Hrauni

Tveir menn á fertugsaldri hafa verið færðir af almennu rými í einangrunarvist í Fangelsinu á Litla-Hrauni grunaðir um að hafa veitt öðrum refsifanga áverka sem leiddu hann til dauða sl. fimmtudag.

Bráðabirgðaniðurstöður krufningar benda til þess að maðurinn, sem var 49 ára, hafi látist af völdum innvortis blæðinga.

Rannsókn málsins er unnin af lögreglunni á Selfossi, tæknideild lögreglu höfuðborgarsvæðisins og af réttarmeinafræðingi. Hún á byrjunarstigi og veitir lögregla ekki frekari upplýsingar um hana eða málsatvik að svo stöddu.