Lögreglunni á Suðurlandi barst í morgun tilkynning um slagsmál í Fjölbrautaskóla Suðurlands og um nemanda sem var með hníf í fórum sínum.
Vísir greinir frá þessu og hefur eftir Þorsteini M. Kristinssyni, aðalvarðstjóra hjá lögreglunni á Suðurlandi, að um slagsmál hafi verið að ræða. Þá hafi lögregla fengið veður af því að nemandi hafi borið hníf en honum hafi ekki verið beitt í slagsmálunum.
Slagsmálin voru yfirstaðin þegar lögreglu bar að garði en málið er í rannsókn.