Kostnaður við stækkun leikskólans Bergheima hækkar um 45 milljóna vegna frágangs lóðar og gerðar bílastæðis við skólann. Ekki hafði verið gert ráð fyrir kostnaðinum í fjárhags-áætlun, þar sem ætlunin var að heildarfjárfesting yrði 195 milljónir króna.
Ný áætlun gerir ráð fyrir að heildarfjárfesting með fullnaðarfrágangi á lóð verði nú um 240 milljónir. Viðbótarkostnaði verður mætt með veltufé, og ekki er gert ráð fyrir lántöku vegna kostnaðar sem fylgir framkvæmdum á þessu fjárhagsári.
Fyrirtækið Grásteinn ehf sér um frágang lóðar og bílastæðis.
Viðbygging við Bergheima er á lokastigi og er ætlað að hægt verði að flytja þangað inn búnað og annað í haust, en ekki hefur verið ákveðið hvenær starfsemi hefst í nýbyggingunni.