Viðhaldsvinna á Óseyrarbrú á Eyrarbakkavegi hefst í dag, þriðjudaginn 29. september. Á meðan á framkvæmdum stendur verður aðeins ein akrein opin um brúna og umferð stýrt með umferðarljósum.
Búast má við smávægilegum töfum og hámarkshraði við vinnusvæðið lækkaður í 30 km/klst. Áætlað er að framkvæmdirnar standi yfir í um fjórar vikur, eða til loka október, ef veður leyfir.
Vegfarendur eru beðnir um að sýna aðgát, virða merkingar og hraðatakmarkanir og gæta fyllsta öryggis við vinnusvæðið.