Sveitarfélagið Árborg fór í gegnum vottun Jafnréttisstofu án athugasemda í október og fékk endurnýjun á jafnlaunavottun.
Sveitarfélagið stóðst fyrst jafnlaunavottun árið 2019 en jafnlaunakerfi sveitarfélagsins er tekið út árlega af iCert á Íslandi. Launamunur kynjanna er 0,7% konum í óhag sem er óverulegur munur.
Hjá sveitarfélaginu starfa um 1200 starfsmenn á 38 vinnustöðum. Í tilkynningu frá Árborg segir að sveitarfélagið vinni stöðugt að því að öll kyn fái sömu laun fyrir sambærileg störf og að launamunur kynjanna sé ekki til staðar.