Litakóða Kötlu hefur verið breytt í gult vegna jökulhlaups í Múlakvísl og skjálftaóróa á nærliggjandi jarðskjálftamælum.
Skjálftaóróinn gæti verið tengdur hlaupinu og verið að öllu óskyldur gosvirkni, þó ekki sé hægt að útiloka það á þessari stundu.
Gulur þýðir að eldstöðin sýni merki um virkni, umfram venjulegt ástand.
Skjálfti af stærð 3,0 var í Kötluöskjunni kl. 00:48 í nótt, þann 29. júlí.