Framboðslisti Betri sveitar – fyrir okkur öll fyrir komandi sveitarstjórnarkosningar í Grímsnes- og Grafningshreppi er nú fullskipaður. Andrés Bertelsson, rekstrarstjóri, er oddviti listans og Ragna Ívarsdóttir, athafnakona, skipar annað sætið.
Í tilkynningu frá Betri sveit segir að samvinna og virðing séu lykilforsendur þess að sveitarfélag verði góður staður til að búa í. Þegar íbúar, félagasamtök, atvinnulíf og stjórnvöld vinna saman að sameiginlegum markmiðum skapast samfélag þar sem fólk finnur til öryggis og ábyrgðar.
Á listanum er fólk með fjölbreyttan og ólíkan bakgrunn sem öll eiga þá sameiginlegu sýn að vilja búa í öflugu, framsæknu og sanngjörnu samfélagi.
„Þekking er fjársjóður sem fylgir eiganda sínum hvert sem hann fer. Hornsteinn hvers samfélags er fólkið sem það byggir, það á að vera gott fyrir okkur öll að búa og dvelja í Grímsnes- og Grafningshreppi,“ segir í tilkynningunni.
Listi Betri sveitar er eftirfarandi:
1. Andrés Bertelsen – Rekstrarstjóri, Herjólfsstíg
2. Ragna Ívarsdóttir – Athafnakona, Smámýrarvegi
3. Friðrik Guðmundsson – Aðstoðar vallarstjóri hjá Golfklúbbi Öndverðarness, Stóra-Hálsi
4. Viðar Marinósson – Löggiltur fasteignasali, Neðan-Sogsvegar
5. Gunnlaugur Ingimarsson – Rekstrarstjóri, Undirhlíð – Sólheimum
6. Sandra Gunnarsdóttir – Athafnakona, Djúpahrauni
7. K. Heimir Karlsson – Útvarpsmaður, Vaðnesi
8. Sigríður Björnsdóttir – Skrifstofustjóri, Kiðhólsbraut
9. Lára V. Júlíusdóttir – Lögmaður, Hesti
10. Guðjón Kjartansson – Sölumaður hjá Byko, Vaðnesi