Breytingar verða á niðurrennsli við Hellisheiðarvirkjun í dag, föstudaginn 3. júlí, þegar varmastöð verður gangsett eftir rekstrarstopp.
Við það lækkar hitastig skiljuvatns í niðurrennslisveitu um ca 50°C, rennsli í niðurrennslisholur í Húsmúla og Gráuhnúkum eykst og losun í yfirfall stöðvast. Á meðan á þessu stendur eru auknar líkur á skjálftavirkni á niðurdælingasvæðunum.
Í tilkynningu frá Almannavarnadeild ríkislögreglustjóra segir að aðgerðum muni ljúka samdægurs. Unnið er eftir verklagi við breytingar í niðurrennsli virkjunarinnar og aðgerðum stýrt til að lágmarka hættu á að skjálftar finnist í byggð.